ПАРАЛИМП: З.Ганбаатар хурдан буудлагадаа оролцож чадсангүй

2021 оны 09 сарын 02

"Токио-2020" паралимпын наадамд оролцож буй манай тамирчин З.Ганбаатар өнөөдөр /2021.09.02/ 25 метрийн спорт гар бууны дасгалын тогтоол буудлагаа өглөө гүйцэтгэсэн. Тогтоол буудлагад тэрбээр 30 сумнаас 279 оноо (89, 92, 98) авч, 31 тамирчнаас 19-р бичигдэж байв.

Гэвч үдээс хойш явагдсан хурдан 30 сум буудах дасгалд буу нь эвдэрч гацсаны улмаас техникийн шалтгаанаар хасагдан тэмцээнээ өндөрлүүлжээ. Энэ дасгалд БНХАУ-ын тамирчин Хуан Шин 585 оноогоор (тогтоол буудлагад 294, хурдан буудлагад 291) бүх тамирчдыг тэргүүлсэн байна. 25 метрийн спорт гар бууны дасгалын медалийн төлөөх буудлага яг одоо явагдаж байна.

З.Ганбаатарын хувьд есдүгээр сарын 4-нд гурав дахь дасгалдаа буюу сонгомол гар бууны 50 метрийн дасгалд онч сорино.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (124.158.124.173)  2021 оны 09 сарын 03

яагаад худлаа мэдээ тавиад байгаа юм бэ хариуцлага алдаж тэмцээнээсээ хоцорсон бас хөнгөн атлетикийн саруултөгс дасгалжуулагч энхбаатар, үндэсний шигшээ багийн албаны эрдэнэтуяа нараас болж бүртгэлээс хоцорч тэмцээндээ орж чадаагүй нурууны бэртэл сэдэрсэн гээд ичих ч үгүй худлаа мэдээлээд байх юм

0  |  0
Top