Э.Содномпилжээ паралимпын дээд амжилтыг шинэчилж, АЛТАН МЕДАЛЬ ХҮРТЛЭЭ

2021 оны 08 сарын 30

Гэрэл зургийг Н.Базарсүрэн

“Токио-2020” 16 дахь удаагийн зуны паралимпын наадам 7 дахь өдрөө үргэлжилж байна.

Манай улсаас өнөөдөр /2021.08.30/ хүндийн өргөлтийн 107 кг жинд Рио 2016 паралимпийн хүрэл медальт, гавьяат тамирчин Э.Содномпилжээ найман тамирчинтай хүчээ сорьж, паралимпын алтан медаль хүртлээ.

Тэрбээр эхний оролтоороо 241 кг жинг шахаж, хоёр дахь оролтоороо 245 кг-ыг амжилттай шахаж паралимпын дээд амжилтыг дахин шинэчиллээ. Өмнө нь паралимпын дээд 238 кг байсан бөгөөд энэ амжилтыг Грекийн тамирчин үзүүлж байв.

Гавьяат маань сүүлийн оролдлогоороо өөрийн дээд амжилт болох 247 кг-ыг ахиулж, 248-ыг захиалсан ч өргөлтийг тооцоогүй.

Паралимпын наадмаас медаль хүртсэн Монголын пауэрлифтингийн анхны тамирчин тэрбээр дэлхийн хошой аварга, дэлхийн дээд амжилт эзэмшдэг. Э.Содномпилжээ 2019 онд Казахстанд болсон пара пауэрлифтингийн ДАШТ-д түрүүлэхдээ эрэгтэйчүүдийн -107 кг-д 247 кг өргөн, Гиннесийн дээд амжилт тогтоосон юм.

ЭРЭГТЭЙЧҮҮДИЙН 107 КГ-ЫН ДҮН
 
1. Э.Содномпилжээ (Монгол) 245 кг
2. Жон Ие Хи (Малайз) 237 кг
3. Рази Саман (Иран) 231 кг
 
Ийнхүү Содномпилжээ алтан медаль авснаар Монголын баг медалийн хүснэгтийн 42-р байрт бичигдэж эхэллээ. Одоогоор 74 улс паралимпын наадмаас медаль хүртээд байна.
 

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
№1 (202.21.100.210)  2021 оны 08 сарын 30

яасан мундаг юм вэ?

1  |  0
зочин (192.82.64.106)  2021 оны 08 сарын 30

Одоо чухам л би санаа тавьсан.үдэж гаргасан.чухам л би би гэсэн пялдага гарууд гэнэт гарч ирнэ дээ.Усанд хаясан чулуу шиг алга болчихоод...

1  |  0
Баяр рүргэе! (203.169.50.245)  2021 оны 08 сарын 30

Мандтугай!!!

1  |  0
Зочин (202.126.89.201)  2021 оны 08 сарын 30

Олимпийн шинэ аваргадаа баяр хүргэе.

1  |  0
Top