М.Лхагвагэрэл хүрэл медалийн барилдаанд ялагдлаа
Өнөөдөр Токиогийн олимпын чөлөөт бөхийн эрэгтэй 125 кг-ийн жингийн барилдаан болж байна.
Эрэгтэй 125 кг-д манай бөх М.Лхагвагэрэл эхний даваанд Беларусын бөх Денис Храмянковтой учраа таарч, 8:4 ялсан.
Дараагийн тойрогт Германы Геннадий Чудиновичтой барилдаж, 6:5 яллаа.
Хагас шигшээд АНУ-ын Гейбл Стивесонд 0:5 ялагдав.
Манай бөх хүрлийн төлөө Туркийн Таха Акгюльтэй барилдах боллоо. Таха бол олимпын болон дэлхийн хошой аварга, Европын 7 удаагийн аварга. ДАШТ-ий хос мөнгө, нэг хүрэл медальтай бөх. Тэрээр эхний тойрогт Амарвир Дхесиг (Канад) 5:0 ялсан. Дараа нь АНУ-ын Гейбл Стивесонд 0:8 ялагдсан юм. Улмаар дагах барилдаан хийж, Айаал Лазарев (Кыргызстан)-ыг 4:0 ялан, хүрэл медалийн төлөө барилдах эрхтэй болжээ.
Торгуулийн 30 секундээр оноо авч чадаагүй тул нэг оноо алдлаа. Ардаа алдаад дахин 2 оноо. Эхний үе 0:3.
Хөлдөө алдаад 2 оноо. Таха аваргад юу ч хийж чадсангүй. 0:5 ялагдлаа.
Токиогийн олимпийн наадмын эрэгтэйчүүдийн 125 кг-ын жинд ОУХМ Мөнхтөрийн Лхагвагэрэл тавдугаар байрт оров. Хүнд жинд маш том амжилт.
Холбоотой мэдээ
Сэтгэгдэл ( 2 )
Ямар ч хөдөлгөөн, мэх, идэвхи гаргадаггүй усан гүзээ байлаа.
Тулж зогсохоос еер ид шидгуй, ганц ч мэхгуй ийм юмнуудыг яах гэж, юунд найдаж олимпод явуулдагийг яагаад ч ойлгохгуй юм оо, онц муу байлаа