Brent маркийн газрын тосны үнэ унажээ

Brent маркийн газрын тосны нэгдүгээр сард нийлүүлэгдэх фючерс үнэ өнгөрсөн долоодугаар сарын 11-ээс хойш анх удаа 78 ам.доллар хүрсэнгүй.

ICE бирж дээр, тус маркийн газрын тосны 77.98 ам.доллар болсон бол Nymex бирж дээр WTI маркийн газрын тосны үнэ нэг баррель нь 73.81 ам.доллар болтлоо унасан байна. АНУ-ын эрчим хүчний яамны мэдээллээр, тус улсын газрын тосны нөөц 3.6 сая баррелиар нэмэгдэж, шинжээчдийн тооцоолсноос давжээ. Тус улс хоногт 13.2 сая баррель газрын тос олборлож байгаа нь хамгийн өндөр үзүүлэлт хэвээр байна.

Үүнтэй зэрэгцэн трейдерүүд эрэлт буурна хэмээн эмээж буй. АНУ-д түлшний хэрэглээний өсөлт буурч байна. Үл хөдлөх хөрөнгийн зах зээл нь асуудалд ороод буй БНХАУ-д мөн л газрын тосны бүтээгдэхүүний эрэлт суларч байгаа тухай Ройтерс агентлаг бичжээ. Олон улсын эрчим хүчний агентлаг мөн энэ улиралд дэлхийн зах зээл дээрх эрэлтийн өсөлтийн урьдчилсан таамгийг бууруулсан байна. Энэ бүх нөхцөл хар алтны үнэ унахад хүргэж байна. Зах зээл дээрх тогтворгүй байдал үргэлжилж магадгүй гэж шинжээчид үзэж байна.