Сүмо: "Ошиогава" дэвжээ монгол бөхтэй боллоо

Мэргэжлийн сүмогийн Ошиогава дэвжээнд монгол бөх элслээ. Фүкүока мужийн Кибогаока ахлах сургуулийг энэ хавар төгссөн Цогоо Билгүүн өчигдөр Кокүгикан ордонд шинэ бөхийн шалгалтаа өглөө.

Манай бөх хоёрдугаар сараас эхлэн тус дэвжээнд дадлага хийсэн. Сүмо дэвжээнд нэгдсэнээс хойш 15 кг жин нэмсэн гэх бөгөөд шалгалтаар 144 кг жинтэй, 182 см өндөр татжээ.

Цогоо Билгүүн Японы ахлах сургуульд орохын тулд Японд ирсэн. Ахлах сургуулиудын улсын аваргын тэмцээнд багаараа 16-д орж байсан. Харин хувийн барилдаанд Фүкүока мужийн ахлах сургуулийн тэмцээний үнэмлэхүй жинд түрүүлж байжээ.

Визээ өөрчилсний дараа 11 дүгээр сард Кюүшюү башёд барилдаж эхлэх юм. Багш нь сэкивакэ асан Такэказэ.