З.Энхболд, Б.Энх-Амгалан нарт 40 саяын ТОРГУУЛИЙН ЯЛ оноолоо

УИХ-ын гишүүн, Аюулгүй байдал гадаад бодлогын байнгын хорооны дарга Б.Энх-Амгалан, Ерөнхийлөгчийн Тамгын газрын дарга асан З.Энхболд нарын гэм буруугийн шүүх хурал өчигдөр Сүхбаатар дүүргийн Эрүүгийн хэргийн анхан шатны шүүхэд эхэлж, өнөөдөр /2024.03.13/ хоёр дахь өдрөө үргэлжиллээ.

Улмаар З.Энхболд, Б.Энх-Амгалан нарыг гэм буруутай гэж үзэн, Б.Энх-Амгаланг нийтийн албанд томилогдох эрхийг 5 жилээр хасаж 40 сая төгрөгөөр торгох ялаар, З.Энхболдыг нийтийн албанд томилогдох эрхийг 5 жилээр хасаж, 40 сая төгрөгөөр торгох ялаар тус тус шийтгэж шийдвэрлэлээ.