Авлигын хэрэгт холбогдвол бүх насаар нь нийтийн албанд ажиллуулахгүй

Б.Гантуяа | Zindaa.mn
2023 оны 02 сарын 08

-АВЛИГАТАЙ БҮХ ШАТАНД ҮР ДҮНТЭЙ ТЭМЦЭХИЙН ТУЛД БАГЦ ХУУЛИЙГ ХЭЛЭЛЦЭЖ БАЙНА-

УИХ-ын дарга Г.Занданшатар Авлига, албан тушаалын гэмт хэрэгтэй тэмцэх багц хуулийн талаар мэдээлэл өглөө.

Тэрбээр “Нийгмийн шударга ёс, эдийн засгийн тогтвортой өсөлтийг хангахад хамгийн том саад бол авлига мөн. Албан тушаалтнуудын оролцоотой авлигын томоохон хэргүүд олон нийтийг бухимдуулж буй энэ цагт төрийн албаны бүх шатанд авлигын үндсийг таслан зогсоохын тулд УИХ-аар Авлигатай тэмцэх багц хуулийг хэлэлцэж байгаа юм. Хойч үеийн боломжийг хулгайлж буй хээл хахуулийн гэмт хэрэгтэй үр дүнтэй тэмцэхийн тулд авлигачдад хуулийн хатуу хариуцлага тооцох ёстой. Авлигачдад оногдуулах ялыг чангаруулж, ямар ч хэлбэрээр завших боломжгүй болгосноор төрийн албан хаагчдын ёс зүй, сахилга хариуцлага нэмэгдэж, баялгийн тэгш хуваарилалт, шударга ёсны нийтлэг зарчмууд хангагдах суурь болно” гэсэн юм.

Иймээс, Эрүүгийн хуулийн 22 дугаар бүлэгт заасан Авлигын гэмт хэрэгтэй холбоотой бүлгийг бүхэлд нь хөндөж нэмэлт, өөрчлөлт оруулснаар ялын хэмжээг нэмэгдүүлж, нийтийн албанд бүх насаар нь ажиллуулахгүй байхаар тусгажээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (202.9.40.158)  2023 оны 02 сарын 11

Хөрөнгийг нь хурааж төрийн аль ч салбарт ажиллахыг хорих

0  |  0
Иргэн (202.126.88.192)  2023 оны 02 сарын 08

Би хуулиудыг ухаад яг нийтийн алба гэж юу болохыг мэдсэнгүй, тодорхойлолт алга. Тайлбарлаад өгнө үү? Нийт албан тушаалтан гээд жагсаалт л байна. Гэхдээ Авилгын эсрэг хуульд шүү.

0  |  0
Top