Женнифер Лопез 53 насны төрсөн өдрөөрөө нүцгэн зургаа дэлгэв

Өнгөрсөн хоёр долоо хоногийн амралтын өдрүүд Бен Аффлек, Женнифер Лопез нарт дурсамжаар дүүрэн болж өнгөрлөө.

Эхний долоо хоногийн амралтын өдрүүдээр тэд фэнүүдийнхээ болоод өөрсдийн 20 жилийн турш хүлээсэн хуримын ёслолоо хийсэн бол өчигдөр (2022.07.24) Жей Логийн 53 насны төрсөн өдөр, Jlo body-ийн нээлтийг сүр дуулиантай тэмдэглэв.

Жүжигчин бүсгүйн эзэмшилд байдаг гоо сайхан, арьс арчилгааны JLo Beauty ийнхүү Jlo body-гоор бизнесээ өргөжүүлж байна.

Хамгийн их шуугиан дэгдээсэн асуудал нь тус бүтээгдэхүүний реклам, зурагт хуудас зэрэгт жүжигчин, дуучин бүсгүй 53 насны нүцгэн гоо үзэсгэлэнгээ гайхшруулж, олонд дэлгэсэн юм.

Женнифер Лопез people-д өгсөн ярилцлагадаа “Бидэнд / JLo Beauty/ нүүр царайг чангалж, залуужуулах гайхалтай бүтээгдэхүүнүүд байгаа. Бид нүүрний гоо сайхны асуудлыг хэдийнэ шийдсэн. Харин бие махбодод зориулсан бүтээгдэхүүн гаргах нь бидний дараагийн алхам байсан. Ихэнх хэрэглэгчид маань зах зээлээс ийм зүйлсийг олж чадаагүй учраас биднээс асууж, сурдаг. Энэ миний бүхий л насан туршдаа бодож явсан зүйлийн маань бодит илэрхийлэл.

Ээж минь целлюлиттэйгээ тэмцэх гэж их зовдог байсан. Би тэр тэмцэл, зовлонг нь хараад “Үүнийг зүгээр л алга болгох ямар нэгэн шидэт арга байгаасаа гэж хүсдэг байлаа” хэмээн ярьсан байна.