Анжелина Жоли дүрвэгчдэд туслахаар Украинд очлоо

Холливудын жүжигчин, НҮБ-ын сайн санааны элч, дүрвэгчдийн асуудал эрхэлсэн тусгай төлөөлөгч Анжелина Жоли Украины Львов хотод ирлээ.

ОХУ, Украины дайн эхлэснээс хойш Жоли Украины дүрвэгчдэд тусламж үзүүлнэ гэж ярьж байсан. Энэ удаад газар дээр нь байдалтай танилцахаар ирсэн байна. Нийт 12,7 сая хүн эх орноо орхин дүрвээд байгаа.

Жоли дүрвэгчид, тэдэнд туслаж байгаа сайн дурынхан, эмч нартай уулзаж ярилцжээ. Тэрээр өнгөрсөн сар НҮБ-ын тусгай элчийн хувиар Йеменд очиж, ажилласан билээ.