ПРОКУРОР: 195 хэрэгт яллах дүгнэлт үйлдэж, шүүхэд шилжүүллээ

Прокурорын байгууллага өнгөрсөн долоо хоногт буюу аравдугаар сарын 4-нөөс 08-ны өдрүүдэд хэрэг хянан шийдвэрлэх ажиллагаанд оролцогчдоос гаргасан 210 гомдол, хүсэлтийг шийдвэрлэж, мөрдөгч болон зөрчлийн хэрэг бүртгэх эрх бүхий албан тушаалтанд тодорхой ажиллагаа гүйцэтгүүлэхээр 426 даалгавар бичгээр өгсөн байна.

Гэмт хэрэг, зөрчил гарахад нөлөөлсөн шалтгаан, нөхцөлийг арилгуулахаар байгууллага, албан тушаалтанд 16 мэдэгдэл бичиж хүргүүлжээ.

Түүнчлэн мөрдөн байцаалтын 2022 хэрэгт хяналт тавьж, 195 хэргийг яллах дүгнэлт үйлдэн шүүхэд шилжүүлж шийдвэрлэлээ.