ЦАХИМ ФОРУМ: ЖДҮ эрхлэгчдийн нэгдэл TENGERI COOP MONGOLIA

“Монгол, Японы ЭЗТХ-ийн таван жилийн ойн  цахим форум, үзэсгэлэн 2021” арга хэмжээ зургаадугаар сарын 25-наас долоодугаар сарын 05-ны өдрүүдэд www.ExportMongolia.org цахим талбарт зохион байгуулагдаж  байгаа билээ.

Цахим форум, үзэсгэлэн өнөөдөр (2021.07.02)  Монгол Улсын Жижиг, дунд салбарын бизнес эрхлэгчид Японы бизнес  эрхлэгчидтэй уулзах цахим уулзалтаар үргэлжлэн зохион байгуулагдаж байна.

Өнөөдрийн арга хэмжээнд TENGERI COOP MONGOLIA хамтын нэрийн дэлгүүр оролцож, мэдээлэл хийлээ.

Гаднын улс орнуудад жижиг, дунд үйлдвэрүүд, фермерүүд нэгдэж COOP STORE буюу кооператив/ хамтын нэрийн дэлгүүр байгуулан өөрсдийн бараа бүтээгдэхүүнээ үйлдвэрийн үнээр борлуулдаг туршлага байдаг.  Монголын жижиг, дунд үйлдвэрлэгч компаниуд нэгдэж, олон нийтэд бараа бүтээгдэхүүнээ сурталчлах, үйлдвэрийн үнээр борлуулах цэг болох COOP хамтын нэрийн дэлгүүрийг байгуулжээ.

Хамтын нэрийн дэлгүүрийн зорилго нь:

• Бараа бүтээгдэхүүнээ хэрэглэгчдэд үйлдвэрийн үнээр борлуулах
• КООП хамтын нэрийн дэлгүүрийг Монголд хөгжүүлэх
• Гадаад, дотоодын үзэсгэлэн худалдаанд хамтран оролцох, үйлдвэрлэгчид бие биедээ дэмжлэг үзүүлэх, туршлага хуваалцах
• Хамтын нэрийн дэлгүүрийг гадаад зах зээлд шинээр нээх, гишүүдийн бараа бүтээгдэхүүийг экспортод тогтмол гаргадаг байх хэмээн танилцууллаа.