ШУУД: Коронавируст халдварын 321 шинэ тохиолдол бүртгэгдлээ
ЭМЯ-аас коронавируст халдварын нөхцөл байдлын мэдээллийг 2021 оны гуравдугаар сарын 28-ны 09:00 цагийн байдлаар хүргэж байна.
/2021.03.28, 11:00 цаг/
ХӨСҮТ-ийн Халдварын тандалт, судалгааны албаны дарга Ж.Байгалмаа "Өнөөдөр /2021.03.28/ 09:00 цагийн байдлаар нийт 13057 хүнд шинжилгээ хийхэд 321 тохиолдол шинээр бүртгэгдлээ. Ингэснээр Монгол Улсад батлагдсан тохиолдол 7014 боллоо. Өчигдөр 104 тохиолдол эдгэрч нийтдээ 4341 хүнийг эмчилж, эдгээлээ. Шинээр батлагдсан 321 тохиолдол бүгд дотоодод бүртгэгдсэн халдвар юм. Өөрөөр хэлбэл, зөөвөрлөгдөж ирээгүй. Шинэ тохиолдлын 262 нь нийслэл хотод бүртгэгдэж, нийт 5868 тохиолдол болж байна. Харин 59 нь орон нутагт бүртгэгдлээ. Өнөө өглөөний байдлаар 1607 хүн эмчлүүлж байгаагаас 1386 хөнгөн, 186 хүндэвтэр, 27 хүнд, 8 маш хүнд шинж тэмдэгтэй байна. Гэрийн тусгаарлалтад 770 гаруй хүн эмчилгээ хийлгэж байна. ЭМЯ-наас 2100 орны нөөц бэлдсэнээс 1607-д нь халдвартай иргэнээ хэвтэн эмчилж байна" гэв.
Орон нутагт буюу 13 аймагт халдвар бүртгэгдсэн байдал:
- Дархан - 10
- Баянхонгор - 7
- Архангай - 19
- Өвөрхангай - 8
- Орхон - 10
- Говьсүмбэр - 2
- Булган - 3
Холбоотой мэдээ
Сэтгэгдэл ( 0 )