Хууль бус 39 цагаачийн аминд санамсаргүй хүрснээ хүлээн зөвшөөрчээ

Өнгөрсөн оны аравдугаар сард Их Британийн Эссекс гүнлэгийн нутаг дэвсгэрт ачааны тэрэгний чиргүүлд Вьетнамын 39 цагаачийн цогцос олдсон хэрэг гарч байсан билээ. Тэгвэл тус ачааны тэргийг эзэмшдэг тээврийн компанийн ажилтан Ронан Хьюз санамсаргүй аллага үйлдсэн хэргээ хүлээн зөвшөөрсөн байна. РА агентлагийн мэдээлснээр, шүүх хурлын үеэр Умард Ирландын Арма хотын оршин суугч 40 настай Хьюз 2018 оны тавдугаар сараас 2019 оны аравдугаар сарын хооронд хууль бус цагаачдын тээвэрлэх зорилгоор нууц хуйвалдаанд оролцсонд буруутай гэдгээ хүлээн зөвшөөрсөн байна.

Өнгөрсөн дөрөвдүгээр сарын 8-нд ачааны тэрэгний жолооч Морис Робинсон хууль бус цагаачдыг тээвэрлэхэд оролцсон, 39 хүний аминд санамсаргүй  хүрснээ хүлээн зөвшөөрсөн юм. Энэхүү аймшигт хэргээр таван хүнд ял тулгаад байгаа бөгөөд дараа дараагийн шүүх хурлыг ирэх есдүгээр сард хийхээр товлоод байна.

Задлан шинжилгээний дүнгээс үзвэл чиргүүлд байсан хүмүүсийн үхлийн шалтгаан нь хүчилтөрөгчийн дутагдал, хөлдөлт байжээ. Цогцсууд олдож байсан хөргүүртэй чиргүүл доторх температур хасах 25 хэм хүйтэн байсан байна.