Улсын нийт гадаад өр өмнөх оны мөн үеэс 939.3 сая ам.доллароор өсжээ

Улсын нийт гадаад өр 2020 оны эхний улиралд 30.5 тэрбум ам.доллар болж, өмнөх оны мөн үеэс 939.3 сая ам.доллар буюу  3.2 хувиар өсжээ. Өмнөх улирлаас 216.7 сая ам.доллар буюу 0.7 хувиар буурчээ.

Нийт гадаад өрийг салбараар авч үзэхэд:

• Шууд хөрөнгө оруулалт, компани хоорондын зээллэг 10.7 (35.0%) тэрбум ам.доллар
• Бусад салбарынх 8.4 (27.5%) тэрбум ам.доллар
• Засгийн газрынх 7.2 (23.7%) тэрбум ам.доллар
• Төв банкнаас бусад хадгаламжийн байгууллагынх 2.2 (7.3%) тэрбум ам.доллар
• Төв банкных 2.0 (6.5%) тэрбум ам.доллар байна.

Улсын нийт гадаад өр өмнөх оны мөн үеэс өсөхөд:

Төв банкнаас бусад хадгаламжийн байгууллагынх 7.6 хувь,   Төв банкных 4.8 хувь, Засгийн газрынх 0.4 хувь буурсан хэдий ч шууд хөрөнгө оруулалт, компани хоорондын зээллэг 1.2  тэрбум ам.доллар буюу 13.3 хувиар  өссөн нь нөлөөлжээ.