Малчдын тоо өсчээ

Үндэсний статистикийн газраас өнгөрсөн оны байдлаар 4500 малчин өрх нэмэгдсэн талаар судалгаа гаргажээ. Энэ тоо зөвхөн бэлчээр дээрээ мал малладаг өрхийн тоо аж.

Сүүлийн нэг жилийн хугацаанд Хүнс хөдөө аж ахуйн яамнаас ХАА-н биржийг байгуулсан нь малаас гарах түүхий эдийн үнийг тогтворжуулж өгсөн нь мал маллах иргэдийн тоо өсөхөд нөлөөлсөн хэмээн албаны хүмүүс үзэж байгаа аж. Малынхаа ноосыг хаяад нүүдэг байсан малчид ноосны урамшуулал олгодог болсноор тэдний орлогыг нэмэгдүүлэх таатай нөхцөл бүрдсэн.  Энэ нь хөдөөд малаа маллаад ашиг шимээр нь үр хүүхдээ сургаж, амьдралаа залгуулахад том түлхэч болсон хэмээн мэдээллэжээ.