ӨНӨӨДӨР | БНСУ-аас Монголд ирж ажилласан сайн дурын 40 ажилтан мэдээлэл хийнэ

Өнөөдөр болох зарим үйл явдлын мэдээллийг хүргэж байна. /2024.03.13/

10:00 цагт Төрийн ордонд УИХ-ын Хууль зүйн байнгын хороо, ХЭҮК-оос хүний эрхийн талаарх УИХ-ын тогтоолын хэрэгжилтийн талаарх хэлэлцүүлэг зохион байгуулна.

10:00 цагт “Холидэй Инн” зочид буудалд БНСУ-аас Монголд ирж ажилласан сайн дурын нийгмийн 40 ажилтан үйл ажиллагаагаа дүгнэн танилцуулна. 

11:30 цагт Үндэсний мэдээллийн төвд Монголд үйлдвэрлэсэн бүтээгдэхүүн үнэтэй байгаа шалтгааны “буруутан” нь төрийн бодлого уу, үйлдвэрлэгчдийн шунал уу. Үйлдэрлэгчдэд тулгардаг бэрхшээлийн талаар Эксклюзив” брэндийн үүсгэн байгуулагч Г.Майцэцэг мэдээлнэ.

12:00 цагт Иргэдийн үг хэлэх, үзэл бодлоо илэрхийлэх, мэдээлэл авах эрхийг хамгаалах, эрх зүйн орчныг сайжруулах шаардлага, хэрэгцээ тулгамдсаар байна. Эдгээр эрхийг цаашид хумих, хязгаарлах эрсдэлээс сэргийлж, УИХ-ын ээлжит сонгуульд нэр дэвших нам, эвсэл, нэр дэвшигчдийн мөрийн хөтөлбөрт зарим агуулгыг тусгуулахыг уриалж, Үзэл бодлоо илэрхийлэх эрхийн төлөөх хуульчдын сүлжээнээс мэдээлэл хийнэ.

15:00 цагт “Интерном”-д Английн алдарт зохиолч Жорж Оруэллийн “1984” романаас сэдэвлэсэн “Орфей” театрын уран бүтээл “1984” постдрамын жүжгийн  тоглолтын талаар танилцуулж, жүжгийн философи, эрх чөлөөний үзэл санааны тухай хэлэлцүүлэг болно.

16:00 цагт Хүүхдийн ордонд Монгол Улсын Консерваторийн Хүндэт профессор, МУУГЗ, Эвэр бүрээ, Ардын бишгүүр хөгжмийн сургалтыг үндэслэгч Л.Самбалхүндэв багшийн 80 насны ойд зориулсан хүндэтгэлийн тоглолт болно.

Засгийн газрын ээлжит хуралдаан болно.