Шороон шуурганы улмаас дотуур байрны дээвэр нуржээ

Хүчтэй шороон шуурганы улмаас сурагчдын дотуур байрны дээвэр нуржээ.

Тодруулбал, Архангай аймгийн Хашаат сумын Баян баг 05.11-ний өдрийн 15:00 цагийн орчимд түр зуур 22-24 м/сек хүчтэй шороон шуурга шуурсаны улмаас тус сумын Ерөнхий боловсролын сургуулийн сурагчдын дотуур байрны дээвэр хийсч унасан тухай мэдээллийг тус сургуулийн захирал аймгийн Онцгой байдлын газарт мэдээлжээ. 

Улмаар тус сумын Засаг даргаар ахлуулсан сумын Засаг даргын Тамгын газрын ажилтнууд очиж нөхцөл байдалтай танилцаж, дээврийн засварын ажлыг эхлүүлжээ.