АНУ Европт “Astral Knight 2024 ” цэргийн сургуулилт эхлүүлэв

АНУ-ын Европт “Astral Knight 2024” хээрийн сургуулилт явуулж байна. Сургуулилтад НАТО-ийн гишүүн зургаан орноос таван мянган цэрэг оролцож байна.

Пентагоны хэвлэлийн төлөөлөгч Сабрина Сингхийн мэдээлснээр, энэхүү арга хэмжээг АНУ-ын Батлан хамгаалах яамны дэлхий дахинд явуулах өргөн цар хүрээтэй цэргийн сургуулилтын хөтөлбөрийн хүрээнд зохион байгуулж байна. Хоёр долоо хоног үргэлжлэх сургуулилтад 50 онгоц болон АНУ, Их Британи, Латви, Литва, Польш, Эстонийн цэргийн алба хаагчид оролцож байна. Арга хэмжээ нь агаарын болон пуужингийн довтолгооны эсрэг хамтын хамгаалалтын бэхжүүлэх зорилготой.