Чон У Сон ковид тусаж, И Жон Жэ, И Бён Хон хоёр эрүүл гарав

Сүүлийн үед Өмнөд Солонгосын урлагийн ертөнцөд коронавирусний халдварын тохиолдол олноор гарч байна.

Охидын BLACKPINK хамтлагийн дуучин Лиса халдвар аваад удаагүй байтал бас нэгэн алдартан ковид тусчээ.
 

Өмнөд Солонгосын жүжигчин Чон У Соны харьяалагддаг Artist Company агентлагаас 11 дүгээр сарын 30-нд “Өчигдөр орой Чон У Соны COVID-19 шинжилгээний хариу эерэг гарсныг мэдэгдэж байна. Тэрээр вакцины хоёр дахь тунгаа хийлгээд 14 хонож байсан юм. Одоогийн байдлаар эрүүл мэндийн байгууллагын заавраар эмчилгээнд орсон” гэж мэдэгдлээ.

11 дүгээр сарын 26-нд Blue Dragon Film Awards ёслолын ажиллагаанд Чон У Сонтой хамт шагнал гардуулсан жүжигчин И Жон Жэгийн шинжилгээний хариу сөрөг гарсан байна. Тус агентлагаас “И Жон Жэ одоо АНУ-д Gotham Awards 2021 шагнал гардуулах ёслолд оролцож байгаа. Тэр Америк нисэхийнхээ өмнө шинжилгээ өгсөн” гэж тайлбарлалаа.

Мөн өнгөрсөн Ням гарагт зар сурталчилгааны зураг авалтад Сонтой хамт оролцсон жүжигчин И Бён Хон мөн яаралтай шинжилгээ өгч, сөрөг хариутай гарсан байна.