Монголын эрэгтэй, эмэгтэй сагсчид хүрэл медаль хүртлээ

Сингапур улсад сагсан бөмбөгийн 3Х3-ын Ази тивийн аварга шалгаруулах тэмцээн гуравдугаар сарын 29-31-ний өдрүүдэд болов. Тэмцээнд Монголын эрэгтэй, эмэгтэй баг хоёул хүрэл медаль хүртлээ.

Эрэгтэйчүүдийн баг хүрэл медалийн төлөөх тоглолтод Шинэ Зеландын багийг 21:18, эмэгтэйчүүд Тайванийн багийг 17:10-аар хожсоноор анх удаа нэг дор хоёр хүрэл хүртэж байна. Тоглолтын дараа эмэгтэйчүүдийн багийн ахлагч О.Хулан: “Монголын шигшээ баг Азийн аваргын хүрэл медалийг авчирсандаа маш их баяртай байна. Бидний ард байсан бүх монголчууддаа баярлалаа” гэв.

Монголын эрэгтэйчүүдийн шигшээ багийн бүрэлдэхүүнд:

А.Ананд

А.Азбаяр

С.Биндэръяа

Ч.Тэмүүлэн

Монголын эмэгтэйчүүдийн шигшээ багийн бүрэлдэхүүнд:

Б.Ариунцэцэг

М.Цэрэнлхам

О.Хулан

Ө.Индра