Үндэсний их баяр наадмын хүчит БӨХИЙН БАРИЛДААН ГЭРЭЛ ЗУРАГТ

Тулгар төрийн 2232, Их Монгол Улс байгуулагдсаны 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ойн баяр наадамд Архангай аймгийн Цэнхэр сумын харьяат, "Нутгийн буян" группийн бөх, Монгол Улсын гарьд М.Бадарч найм даван түрүүлж, Монгол Улсын арслан цол хүртлээ. Архангай аймгаас төрж буй 14 дэх Улсын арслан цолтноор тодорч байна. 

Өвөрхангай аймгийн Төгрөг сумын харьяат, шинээр Улсын гарьд цолны болзол хангаад буй улсын харцага Ц.Бямба-Отгон энэ жилийн баяр наадамд үзүүрлэж, наадамчин олны магнайг тэнийлгэлээ. 

ГЭРЭЛ ЗУРГИЙГ Д.АМАРЖАРГАЛ

Мягмарын БАДАРЧ

Архангай аймгийн Цэнхэр сумын харьяат. "Бөх Билэгт" дэвжээ, "Алдар" спорт хорооны бөх. 1990 онд төрсөн. 186 см өндөр, 132 кг жинтэй. 

2009 онд Сумын заан, 2012 онд Аймгийн арслан, 2017 онд Улсын харцага, 2020 онд Улсын заан, 2021 онд Улсын гарьд цол тус тус хүртсэн.

Цэдэнсодномын БЯМБА-ОТГОН

Өвөрхангай аймгийн Төгрөг сумын харьяат. Ц.Бямба-Отгон 1995 онд төрсөн. 185 см өндөр, 120 кг жинтэй. 

2016 онд Сумын заан, 2019 онд Аймгийн харцага, 2020 онд Аймгийн заан цол хүртэж, 2022 онд буюу өнгөрсөн жилийн баяр наадамд зургаа давж, Монгол Улсын харцага цол хүртэж байсан.

Энэ жилийн наадамд тэрбээр долоогийн даваанд Улсын заан Б.Пүрэвсайханыг давж, Улсын заан цолны болзол хангасан.