Төрийн байгууллагын ажилтан хамгийн өндөр цалин авч байна гэх  мэдээлэл ТАШАА

Үндэсний Статистикийн Хорооноос дараах мэдээллийг өглөө. 

"2022 оны 12 дугаар сарын 16-ны өдөр “Төрийн байгууллагын ажилтан 1.9 сая буюу хамгийн өндөр цалин авч байна” гэх ташаа мэдээлэл олон нийтийн мэдээллийн хэрэгслээр түгээжээ. 

Үндэсний Статистикийн Хорооноос танилцуулснаар, төрийн өмчит үйлдвэрийн газарт ажиллагчдын сарын дундаж цалин 2022 оны 3 дугаар улирлын байдлаар 1.9 сая төгрөг байна. Харин төрийн албан хаагчийн дундаж цалин 1.3 сая төгрөг байна. 

Үндэсний Статистикийн Хороо нь аливаа статистик мэдээллийн эх сурвалж, аргачлал, үр дүнг ташаа эсвэл гуйвуулж мэдээлэхгүй байхад хэвлэл мэдээллийн байгууллагууд болон олон нийттэй хамтарч ажиллахад үргэлж нээлттэй байх болно" гэв.