АНУ-д хар салхины улмаас амиа алдсан хүний тоо 103 боллоо

Өнгөрсөн долоо хоногт АНУ-ын Флорида мужийг дайрсан “Иэн” хар салхины улмаас амиа алдсан хүний тоо 103 болж нэмэгджээ.

ABC телевиз өмнө нь амиа алдагсдын тоог хамгийн багадаа 99 гэж мэдэгдэж байсан юм. Энэхүү хар салхины улмаас Хойд Каролина мужид дөрвөн хүн амиа алдсан байна.

Флорида мужийн удирдлагуудын мэдэгдсэнээр 1600 гаруй хүнийг усанд автан живсэн байшингуудаас аварчээ.