Бээжин 2022: Б.Ганболд 12-р байрт шалгарлаа

Энэ сарын 4-13-нд Хятадын нийслэлд Өвлийн паралимпын наадам явагдаж байна. Өнөөдөр буюу гуравдугаар сарын 7-нд манай тамирчдын тэмцээн эхэллээ. Монголчуудын салхийг хагалж, гүйлтийн цанын тамирчин ОУХМ Б.Ганболд, Ц.Дашдорж нар эхний зай болох 20 км зайд сонгомол техникээр уралдлаа.

Энэ зайд Японы Каваёкэ 52:52.8 амжилтаар тэргүүлж, аваргын алтан медаль хүртлээ. Түүний араас Хятадын CAI J 54:27.7, QIU M 54:29.7 амжилтаар удаалсан байна.

Манай тамирчин Б.Ганболд 1:04:23.5 үзүүлэлтээр 12 дугаар байрт жагслаа. Цэгмидийн Дашдоржийн хувьд 5 км бүхий тойрог замд үргэлжилсэн энэ уралдааны сүүлийн тойрогтоо замаас гарч уралдаанаа дуусгаж чадсангүй.Манай хоёр тамирчин 3-р сарын 9-нд дараагийн зай буюу Спринт зайд уралдана.