Жүдо ДАШТ: Холимог багийн барилдаанд ОХУ-ын шигшээтэй барилдана

Унгарын нийслэлд явагдаж байгаа жүдо бөхийн ДАШТ-ий холимог багийн барилдааны тэмцээн энэ сарын 13-нд эхлэнэ.

Эрэгтэйчүүд 73, 90, +90, эмэгтэй 57, 70, +70 кг-ийн жинд барилдах юм. Холимог багийн барилдаанд 15 баг оролцоно.

Манай шигшээ баг В хэсэгт ОХУ, БНСУ, Германы багтай орсон. Эхний тойрогт манай баг ОХУ-ын шигшээтэй барилдана. Хэрэв ялбал дараа нь Өмнөд Солонгос, Германы ялсантай өрсөлдөх юм.

Дөрвөн хэсгээс түрүүлсэн багууд хагас шигшээд шалгарна. В хэсэгт түрүүлсэн баг А хэсгийн аваргатай хагас шигшээд таарна. А хэсэгт Япон, Украин, IJF холбооны баг багтсан байгаа тул хүндхэн сугалаа болжээ.