Д.Сумъяабазар: Битгий төөрөгдөөрэй, вакциндаа идэвхтэй хамрагдаарай
Нийслэлийн Засаг дарга бөгөөд Улаанбаатар хотын Захирагч Д.Сумъяабазар дархлаажуулалтын үйл явцтай танилцлаа.
Бүх нийтийн бэлэн байдлын зэрэгт шилжсэнтэй холбоотойгоор хүмүүсийн хөдөлгөөн хязгаарлагдаж, сүүлийн 10 хоногийн хугацаанд халдвар авах хүний тоо нийслэлийн хэмжээнд тогтвортой байна. Хариу арга хэмжээний баг батлагдсан тохиолдол дээр очиж, ойрын хавьтлыг тогтоох, эрүүл мэндийн үзлэг хийж, шаардлагатай бол эмнэлэгт шилжүүлж, өрхийн эмчийн хяналтад авч байгааг НЭМГ-ын дарга Б.Бямбадорж танилцууллаа.
Тэрбээр “Тухайн өдөрт халдвартай нь тогтоогдсон хүмүүсийн 90 гаруй хувийг 24 цагийн дотор хяналтдаа авч байна. Нийслэлийн хэмжээнд 8000 гаруй хүн гэрийн тусгаарлалтад байгаа. Баянзүрх дүүрэгт хамгийн олон буюу 2884 хүн бий. Өдөрт шинжилгээний зургаан цэг, амралтын өдрүүдэд гурван цэг ажиллаж байгаа” хэмээн ярилаа.
Улаанбаатар хотын хэмжээнд дархлаажуулалт хоёрдугаар сарын 23-наас эхэлсэн. Тавдугаар сарын 8 гэхэд нийслэлийн иргэдээ I тунд хамруулж, II тунг тавдугаар сарын 29 гэхэд хийж дуусгахаар төлөвлөсөн.
Нийт 120 цэгт өдөрт 75 мянга гаруй хүнийг вакцинд хамруулахаар төлөвлөж, 2000 гаруй эмч, ажилтан ажиллаж байгаа юм. Гэвч нийслэлийн иргэдийн 41 хувь нь вакциндаа хамрагдаагүй байна. Сүүлийн өдрүүдэд дархлаажуулалтад хамрагдалт муу, өнөөдөр л гэхэд 75 мянга гаруй иргэнийг вакцинд хамруулахаар төлөвлөснөөс 47971 хүн вакцин хийлгэжээ.
Нийслэлийн иргэдийн 41 хувь нь вакциндаа хамрагдаагүй байна
Хотын даргын хувьд БНХАУ-ын ВероЦелл вакцины анхны тунг гуравдугаар сарын 10-нд хийлгэсэн.
Тэрбээр энэ тухайгаа “Хятад вакцин хийлгэхийн тулд олон талаас нь бодож, мөн судалсан. Манай нийгэм, худалдаа, эдийн засгийн хамгийн гол түнш бол БНХАУ. Вакцин нь мөн хамгийн удаан хугацаанд, маш олон хүн дээр туршигдсан. Түүнчлэн тус улс вакцинаа дээд зэргийн түвшинд үйлдвэрлэсэн гэдэг мэдээлэл авсан. Дөрөвдүгээр сарын 7-нд хоёр дахь тунгаа хийлгэх байсан ч амжилгүй, дөрөвдүгээр сарын 12-нд хийлгэсэн. Өнөөдөр дархлааны үзүүлэлт 2.7 байна. Энэ нь эсрэг биет бүрэн тогтсон гэсэн үг. Тиймээс иргэд маань битгий төөрөгдөөрэй. Ковидгүй зуны төлөө, ковидгүй Монголын төлөө, ковидгүй Улаанбаатарын төлөө вакциндаа идэвхтэй хамрагдаарай” гэсэн юм. Мөн үргэлжлүүлэн “Вакцинд хамрагдах эсэх нь тухай иргэний сонголт. Гэхдээ иргэдэд вакцины талаар зөв ойлголт өгөх хэрэгтэй. Дэлхийн олон улсад вакцины төлөөх өрсөлдөөн үргэлжилж байна. Иргэдээ вакцинд хамруулж байгаа тоогоороо манай улс Азид дээгүүрт яваа. Цар тахал, эдийн засаг урвуу хамааралтай байна. Үүнийг шийдэхийн тулд иргэд маань вакциндаа идэвхтэй хамрагдаж, эрүүл мэндээ хамгаалж байж, эдийн засгаа богино хугацаанд сэргээнэ. Ингэж байж нийгэм, эдийн засаг хэвийн хэмжээнд очиж, хил гаалиа нээнэ. Улаанбаатар хотын иргэдийнхээ 1.1 саяыг нь вакцинд бүрэн хамруулсны дараа хотын эдийн засагт дорвитой, томоохон алхмуудыг хийнэ. Вакциндаа идэвхтэй хамрагдаж, өөрсдийгөө болон үр хүүхдээ халдвараас хамгаалж, иргэний үүргээ биелүүлэхийг хүсье” хэмээв.
Эх сурвалж: НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС
Холбоотой мэдээ
Сэтгэгдэл ( 7 )
Вакцин хийлгэх гэж 15 цагийн үед ХУД ийн нэгэн цэгээр орж хийлгүүллээ.Очёр гэж байхгүй эмнэлгийн сувилагч иргэд ээ хүлээгээд эл хул сууж бна. Вакцинд асуудал бна уу! Хүмүүс хийлгэх дургүй байна уу! Эсвэл ондоо улс ОХУ ын вакцин хүлээлт үүсгэв үү!!.Бид ийм байхад яаж өвчин зовлонгоос салах билээ.УБ хотыг 60-70% вакцинжуулах шаардлагатай.Орой шадар сайд ард уриалаад зогсож бна..Бид ийм цөөхөн ард түмнээ тэр хүсэж буй вакциныг худалдаж аваад хийчих байлаа.Энэ Хүрэлсүхийн Хүрэлбаатар нарын алдаа..Мөнгөөрөө хийлгэх хүмүүс их байсан даа.
Энэ балай салбадай тойрог сольж ялах ухааны болчихоод юугаа хуцаад байгаа юм бэ? Өөрөө хужаа вакциныг хийлгээгүй шүү дээ.
4-р сарын 12-нд улсын хэмжээнд вакцинжуулалт зогссон байсан. Хотын дарга яаж вакцин хийлгэв?
Tuuregdeh gej yamar uchirtai ugh ve? Hiilgene hiilgehgui geh 2 salaa zamiin Ali negeer yavahad tuureg yarih ni muhar suseg bus uu?
Сум даргаа орос вакцин хүлээгээд хэрэггүй та нарт хүртээлгүй гээд шууд хэлчээч хулчгараа
Дэлхий дахинд хүлээн зөвшөөрөгдсөн Хятад вакциныг муу гэж сурталчилж байгаа хүмүүс бол захиалгаар вакцинжуулах ажиллагааг саатуулах гэсэн хорон санаатай Хятадын эрлийз хурлизууд. Өөрийгөө болон хайртай хүмүүсээ хайрлаж байгаа бол вакциндаа хамрагд эрдэмтэн мэрэгжилтнүүд аль ч вакцин нь ижил үйлчилгээтэй сайн гэж нотлоод байна.
Орос вакицин хүлээж бна ?