Тбилисийн Их Дуулга: Хүрэл медальт Г.Хэрлэнгийн барилдааны бичлэгүүд

Гүржийн нийслэл Тбилис хотноо болж буй жүдо бөхийн Их Дуулга тэмцээний эхний өдөр эрэгтэйчүүдийн 66 кг-ийн жинд ОУХМ Ганболдын Хэрлэн хүрэл медаль хүртлээ.

Г.Хэрлэн эхний тойрогтоо гоц мөргөөд хоёр дахь тойрогт Их Британы Майкл Фрайерийг торгуулиар ялсан.

Дараагийн тойрогт Гүржийн Бека Цифианиг торгуулиар яллаа.

Хэсгийн аваргын төлөө ДАШТ-ий гурван мөнгө медальтай ОХУ-ын Михайл Пульяевыг нэмэлт цагт вазаригаар ялсан.

Хагас шигшээд Узбекистаны Сардор Нурилаевт торгуулиар ялагдлаа.

Хүрэл медалийн төлөө Европын наадмын хүрэл медальт Гүржийн Баграти Ниниашвилиг “иппон” яллаа.