Ковингтон: ЛеБрон бол Хятадын утсан хүүхэлдэй

Италийн Милан багийн швед довтлогч Златан Ибрагимович сагсан бөмбөгийн Лос-Анжелес Лейкерс багийн од Леброн Жеймс нар тамирчид улс төрд орох хэрэгтэй эсэх талаар олон нийтийн сүлжээгээр маргалдсан талаар бид мэдээлсэн.

Холимог тулааны UFC холбооны тулаанч Колби Ковингтон Леброн Жеймсийг хуурмаг амьтан гэж шүүмжиллээ.

Колби “Леброн АНУ-ын нийгмийн шударга бус байдлыг шүүмжилдэг мөртлөө Хятадын талаар үг дуугарахгүй юм. Хэзээ чи Хонконгийн талаар үг хэлэх гэж байна? Нээрээ болохгүй бил үү? Леброн чи чинь Хятадын утсан хүүхэлдэй шүү дээ. Чи олон сая долларын орлоготой, баян хүн ч Хятадад чиний бүтээгдэхүүнийг үйлдвэрлэдэг хятад эмэгтэйчүүдэд хэдхэн зоосны цалин өгдөг. Чи хоёр нүүртэй, хөгийн амьтан” гэж бичжээ.