С.Эрдэнэболд: Манай улсын төрийн далбааг МАРС РУУ АВЧ ЯВНА

АНУ (NASA) эмэгтэй иргэнээ марс дээр газардуулахаа зарласан. Бусад улс ч охидоо түлхүү бэлдсээр. Монгол Улсын Ерөнхийлөгч ноднин Монгол эмэгтэйг сансарт нисгэх тал дээр NASA тай хамтран ажиллах талаар ярилцсан.

MARS-V төслийн урилгаар эдгээр охид манай эх оронд ирэхээр болсон байгаа. Хилийн хорио цуцлахаар биелэлээ олно.

Бид өр зээл тавилгүй, уул уурхайн бус хөрөнгө оруулалт татах, шинжлэх ухааны талбарт Монгол дэлхийд идэвхтэй тоглогч болгохын төлөө энэ төслийн судалгааг хийсээр байна. Арав гаруй орны эрдэмтэн мэргэд, судлаачидтай хамтран ажиллаж байна.

Эдгээр нисэгч охид Монгол Улсад ирэх нь ойрын үед биелэлээ олно. Манай үндэсний брэндүүд энэ завшаанаар нэрээ гаргаад авах боломжтой. Хүн төрөлхтөний түүхийг шинээр тодорхойлох ирээдүйн баатруудаар бараа бүтээгдэхүүнээ сурталчлуулаад авах боломж байгаа шүү.

Холбогдож болно. Grafx Lkhagva Odbayasal Badarch Amgalanbayar Ginjbaatar

Аан тийм, Камил хэмээх франц нисэгч Марс явахдаа манай улсын төрийн далбааг манай төслийн багийн гишүүдийн зурагтай авч явахаа амалсан. Марс дээр манай далбаа 13 жил орчмын дараа мандаж магадгүй нь дээ.

Жич: Сансрын нисэгч, онгоцны нисгэгч гэж ялгаатай бичдэгийг анзаарууштай." хэмээсэн байна.

Сонирхуулахад "MARS-V” нь Марсын сургуулилалтын академи, сансарын судалгааны чөлөөт бүс, аялал жуулчлалын дагуул хотоос бүрдсэн шинжлэх ухаан технологи, инновацын олон улсын төв байгуулах төсөл юм. Уг төсөл танд Монголын говийн орчинд яг марс гараг дээр байгаа мэт мэдрэмжийг төрүүлэхэд оршино.