“Омикрон” хувилбар дэлхийн 110 гаруй улсад тархаад байна

Коронавирусний “омикрон” хувилбар дэлхийн 110 гаруй улсад тархаад байна гэж Дэлхийн эрүүл мэндийн байгууллага мэдээлжээ.

“Омикрон” нь “дельта” хувилбарыг бодвол илүү хурдан тархаж байгаа ч хүндрэл гарах нь бага байх талтай байна.

“Омикрон” хувилбар ДЭМБ-ын бүх зургаан бүс нутагт 110 гаруй улсад илэрчээ.

Эхэн үеийн мэдээллээс үзвэл, “омикрон” хувилбар нь “дельта”-г бодвол хүндрэх нь бага байна. Гэхдээ вакцин болон  халдвар аваад эдгэрсэн нь үүнд хэр их нөлөөтэй болох нь одоогоор тодорхойгүй байна.