КОВИД-19: Ханиадны нян хэрхэн тардгийг харуулжээ

Финландын Аалто их сургуулийн эрдэмтэд коронавирусний халдвар авсан хүн ханиалгахад нян нь хаалттай орчинд хэрхэн тардгийг гурав хэмжээсээр харуулжээ.

Ханиалгах, найтаалгахад нян хэдэн метрийн зайд тархан, агаарт шингэн алга болж байгаа нь харагдана. Гэхдээ өрөөний агаарт 5-6 минутын турш байж, хүмүүст халдвар тараасаар байдгийг баталсан байна. Вирусний жижиг хэсгүүд шалан дээр унадаггүй, агаарт хөөрсөөр байдаг гэнэ.

Тус их сургуулийн доцент Вилле Вуоринен “Коронавирусний халдвартай хүн ханиалгачхаад гараад явахад коронавирусний нян өрөөнд удаан хугацаанд байсаар байх болно гэдгийг бид баталсан. Тэгэхээр дэлгүүрт очиход хүн цөөхөн байх нь халдвар авахгүй гэсэн баталгаа биш юм” гэж сэтгүүлчдэд мэдээлсэн байна.