Баянмонгол чуулга, Симфони найрал хөгжмийн хамтарсан том хэмжээний жазз тоглолт болно

Радио телевизийн дэргэдэх цахилгаан хөгжмийн хамтлагаас эхтэй “Баянмонгол” чуулга Монголд алс холын жазз хөгжмийг үрслүүлж, суулгаснаас хойш хэдийн 55 дахь жилтэйгээ золгосон байна. АНУ-аас гаралтай жазз /дагшаа/ хөгжмийн мэргэжлийн хийгээд арилжааны тоо томшгүй олон зохиол бүтээлүүдээс бүрдсэн арвин тансаг сан хөмрөгийг тэд буй болгожээ.

Дэлхийн жазз хөгжмийн өдөр жил бүрийн 4 дүгээр сарын 30-нд тохиодог ба дэлхий даяар тархсан жазз хөгжмийн шүтэн бишригчэд болон уран бүтээлчид тэмдэглэн өнгөрүүлдэг уламжлалтай. Энэхүү өдрийг угтан Баянмонгол чуулга Симфони найрал хөгжимтэй хамтран АНУ-ын нэрт хөгжмийн зохиолч Жорж Гершвиний зохиол бүтээлүүдээс бүрдсэн “An American in UB” тоглолтоо 2024 оны 4 дүгээр сарын 26,27-ны өдөр Улсын Филармонийн тайзнаа толилуулах гэж байна.

Тоглолтод Төрийн Соёрхолт “Баянмонгол” чуулга, Улсын Филармонийн Симфони найрал хөгжим, удирдаач С.Саруул-Од, дуучин Наагий, Ариу, Jojo, Энжи нар оролцоно.

Хөтлөгчөөр Н.Ганбат ажиллаж байгаа бөгөөд тоглолт Улсын Филармонийн концертын танхимд 4 дүгээр сарын 26, 27-ны өдрүүдэд 19:00 цагаас болно. 

Тасалбарыг: Ticket.mn , Улсын Филармонийн касс

Дэлгэрэнгүйг: 88003041, 70118012