Долоон банк дүрмийн сангаа 16 тэрбумд хүргэжээ

Монгол банкнаас арилжааны банкуудын дүрмийн сангийн доод хэмжээг 16 тэрбум төгрөг болгож нэмэгдүүлсэн билээ. Энэ шийдвэртэй холбоотойгоор зээлийн хүү нэмэгдэхгүй гэж холбогдох албаныхан мэдэгдлээ. Өнгөрсөн оныхтой харьцуулахад төгрөгийн зээлийн хүү дунджаар2.5, валютынх нэг хувиар буурсан аж. Манай улсад арилжааны 14 банк үйл ажиллагаа явуулдгаас одоогоор долоо нь дүрмийн сангаа дээрх хэмжээнд хүргэж нэмэгдүүлсэн байна.
Үлдсэн нь 2013 оны тавдугаар сарын 1-ний дотор Дүрмийн сангаа нэмэгдүүлэх үүрэг авчээ. Дашрамд дурдахад, оны эхнээс энэ сарын 26-ны өдрийн байдлаар нийт 1410 орчим кг алт худалдан авсан нь өнгөрсөн оны мөн үеэс 1.4 дахин нэмэгдсэн байна.
Харин  Монгол банкнаас зарласан ам.долларын төгрөгтэй харьцах ханш оны эхнээс 0.5 хувиар чангарчээ.          

Эх сурвалж: Монцамэ