Зах зээлийн нийт үнэлгээ 2 их наяд 165,1 тэрбум төгрөг боллоо

Өнөөдөр Монголын Хөрөнгийн бирж дээр нийт 26 хувьцаат компанийн 67.8 сая төгрөгийн үнийн дүн бүхий 197.6 мянган ширхэг хувьцаа арилжлаа. Нийт арилжигдсан үнэт цааснаас “А” самбарын арилжаагаар 19 хувьцаат компанийн 197.2 мянган ширхэг хувьцаа 67.2 сая төгрөгөөр, “В” самбарын арилжаагаар долоон хувьцаат компанийн 397 ширхэг хувьцаа 650,9 мянган төгрөгөөр тус тус арилжигдсан байна. Мөн нийт 26 үнэт цаас арилжигдсанаас 13 үнэт цаасны ханш өсч, гурван үнэт цаасны ханш буурсан бол 10 үнэт цаасны ханш тогтмол байлаа.
Харин өмнөх өдрийн хаалтын ханшаас “Монинжбар” ХК-ийн үнэт цаасны ханш 13.85  хувь өссөн бол “Сөдөт” ХК-ийн үнэт цаасны ханш 13,85 хувиар буурсан байна. Улмаар ТОП-20 индекс 21589,48 нэгжид хүрч өмнөх өдрийн индекстэй харьцуулахад 126,32 нэгжээр буюу 0,59 хувь өслөө. Өнөөдөр зах зээлийн нийт үнэлгээ 2 их наяд 165,1 тэрбум төгрөг болсон бөгөөд мөн арилжаагаар нийт 155 хэлцэл хийгдсэн байна.

А.Туяа

Zindaa.mn- Үндэсний чөлөөт мэдээллийн портал