Мятрашгүй С.Эрдэнэ

Монгол Улсын дээд шүүхийн нийт шүүгчийн хуралдаан 2022 оны 9 дүгээр  сарын 27-ны өдөр товлогджээ. Хуралдаанаар Улсын дээд шүүхийн цахим бүртгэлийн санд С.Эрдэнийн нэрийг сэргээлгэхийг хүссэн Д.Эрдэнэсувдын өргөдөл, Ардчилсан намын Үндсэн дүрэмд оруулсан нэмэлт, өөрчлөлт болон Ө.Шижирийг Ардчилсан намын хуулийн этгээдийн улсын бүртгэлд итгэмжлэлгүйгээр төлөөлөх эрхтэй этгээдээр бүртгүүлэх, улсын бүртгэлийн гэрчилгээнд тэмдэглэл хийлгэхийг хүссэн И.Мөнхжаргал нарын өргөдөл, Монголын Либерал намын даргыг өөрчлөн томилсныг бүртгүүлэхийг хүссэн Б.Амгаланбаатарын өргөдлийг тус тус хэлэлцэхээр товлосон байна.

2020 оны УИХ-ын сонгуулиар АН ялагдал хүлээж, тус намын дарга С.Эрдэнэ хариуцлага хүлээн Ц.Туваанд тамгаа шилжүүлснээс хойш "зодоон" эхэлсэн. Энэ үед Улсын дээд шүүн АН-ын даргын бүртгэлээс С.Эрдэнийн нэрийг хассан ч тэрбээр Улсын бүртгэлийн ерөнхий газарт хандан тамгаа авч чадсан билээ. Гэвч Улсын дээд шүүхийн цахим бүртгэлээс нэрээ хасуулсан тэрбээр М.Тулгатыг мурьж өөрийн нэрийг бүртгүүлэхээр хэдэнтээ хандаж байгаа. Энэ удаад ч Д.Эрдэнэсувдаар дамжуулан намын даргад бүртгүүлэх хүсэлт илгээжээ. 

Харин нөгөө талд Ц.Туваан нар тамга ч үгүй, дарга ч үгүй болсон тул АН гэдэг нэрнээс цаашгүй болсон тэд С.Эрдэнийн байрлах Шонхор товер луу дайрч, тамгаа авахаар үйлмээн самуун дэгдээж, С.Эрдэнэ болон түүний нөхдийг шахаж, зарим гишүүдийг урвуулсаар байгаа. Ц.Туваан, Х.Баттулга, О.Цогтгэрэл гээд АН-ын сонин содон дүрүүд энэ талд байгаа ч юу юу ч үгүй тэд ирэх сонгуулиар намын нэр дээр өрсөлдөж чадах эсэх нь ч эргэлзээтэй болоод байгаа юм. 

Харин тэдний шүдний өвчин болсон С.Эрдэнэ Улсын дээд шүүхийн цахим бүртгэлд намын даргаар бүртгүүлэх хүсэлтээ дахин дахин илгээсээр.