“Алтан мундарга” тэмцээнд оролцох 13 тамирчин Буриадыг зорив

“Алтан мундарга-2022” улс хоорондын Сээр шалгах наадам энэ сарын 12, 13-ны өдөр ОХУ-ын Буриад улсад зохиогдох гэж байна.

Монгол Улсаас 13 тамирчин уг тэмцээнд өрсөлдөхөөр Улаан-Үдийг зорьжээ.

“Алтан мундарга” улс хоорондын наадмыг монгол үндэстнүүдийн дунд сээр хугалах, шагай наадах болон тэвэг өшиглөх төрлөөр зохион байгуулдаг.

Мартагдаж буй монгол уламжлалыг сэргээх, хөгжүүлэхэд чиглэсэн энэхүү фестивальд ОХУ-ын Буриад улс, Монгол Улс, Өвөр Монголын өөртөө засах орон, Тува, Якут, Халимаг улсаас баг тамирчид ирж оролцдог юм.