Ц.Мөнхцэцэг: Охидын ариун цэврийн хэрэглэлийг ҮНЭГҮЙ ОЛГОХ хэрэгтэй

Б.Эрхэс | Zindaa.mn
2022 оны 02 сарын 08

УИХ-ын гишүүн Ц.Мөнхцэцэг охидод ариун цэврийн хэрэгслийг сургуулийн орчинд үнэ төлбөргүй олгох хэрэгтэйг онцолжээ.

Тэрбээр жиргээндээ “Ариун цэврийн хэрэгсэл авах боломжгүйгээс олон охид хичээл сургуульдаа явахгүйд хүрч байгаа нь хүний эрхийн зөрчил гэж үзэж Шинэ Зеланд, Шотланд, Өмнөд Африк зэрэг дэлхийн 21 улс, бүс нутагт охидод ариун цэврийн хэрэгслийг үнэ төлбөргүй олгохоор хуульчилсан байдаг. Монгол Улсад бас ингэх нь зөв. Үүний тулд бид улс орнуудын жишгээр ариун цэврийн хэрэгслийг татвараас чөлөөлөх, үнийг буулгах арга хэмжээнээс эхлэн шат дараалалтай бодлого явуулъя. Эхний ээлжинд сургууль, дотуур байранд ариун цэврийн  хэрэглэл үнэгүй байрлуулах төсвийг батлах хэрэгтэй. Та бүхэн маань дэмжээрэй” гэжээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Мягаа (202.131.234.194)  2022 оны 02 сарын 08

Зөв шүү. Аав ээждээ хэлж чадахгүй нууж эвгүй байдалд ордог олон хүүхэд бий \n

1  |  2
Top