Германы модель, 24 настай Йоси Мария анорекси өвчний улмаас онгоцонд нас баржээ. Инстаграмын од, блогчин бүсгүй удаан хугацааны туршид анорекси өвчинтэй тэмцсэн ч ялж чадаагүй байна.
Тэрээр Киль хотоос Канарын арлууд руу нисэж байсан бөгөөд онгоц газардахаар дөхөж байх үед ухаан алджээ. Онгоцны буудал руу эмч нар яаралтай ирж, бүсгүйг аврахаар бүх хүчээ дайчилсан ч удаан хугацаанд хоолны дуршилгүй болох эмгэгтэй байсан моделийн зүрх зогссон байна.
Йоси Мария анорекси өвчнийхөө талаар огтхон ч нуулгүй, өөрт тохиолдож байгаа зүйлээ бусадтай хуваалцаж, түүнтэй адил нөхцөл байдалд орсон хүмүүст туслахыг хичээдэг байсан юм. Тэрээр хоолны дуршилгүй болох өвчин маш аюултайг хэлээд санаатайгаар өөртөө хоолны хорио тавихгүй байхыг зөвлөдөг байв.
Йоси өөрөө хэзээ ч санаатайгаар хоолны дэглэм барьдаггүй байснаа хэлжээ. Нэг л өдөр тэр их даардаг, халуун байсан ч даарч байгаагаа мэдэрдэг болсон байсан бөгөөд энэ нь анорексийн шинж тэмдэг гэж хүмүүст анхааруулсан байна.
Сэтгэгдэл ( 4 )
Хэт тураад орсон байна
нарийнтаж турж үхэж байхад чи модель гэж хөөрүүлдэг улсууд одоо яах ч билээ гэцүү гэцүү
сэтгэцийг нь эмчлэх ухаан германы эмч нарт алгадаа
Ум ма ни бад мэ хум. Хайран залуухан охин.