#BOOKTELLER: Оэ Кензабүрогийн “Хувийн асуудал” номоос ОНЦЛОХ 10 ЭШЛЭЛ

Автор | Zindaa.mn
2020 оны 06 сарын 04

Энэ бол хүн бүрийн дотоодод нуугдан байдаг, нүүр тулахаас үргэлж зайлсхийдэг “хувийн асуудал”-ын талаар хөндсөн зохиол юм.

Нобелийн шагналт зохиолч Оэ Кензабүро нь “Хувийн асуудал” романаа 1964 онд бичжээ. Тус роман нь Оэгийн бүтээл туурвилаас дэлхий дахинд хамгийн их алдаршсан бүтээл юм. Энэхүү зохиолд 27 настай, дунд сургуульд байхаас нь эхлээд бүгд л “Шувуу” хэмээн хочлох болсон, бэлтгэл сургуулийн багш залуугийн тухай өгүүлдэг.

Шувуугийн хувийн асуудал чухамд ямар үйл явдлаар илрэн гарах болов гэдэг тун сонирхолтой.

Ингээд энэ удаагийн Bookteller буландаа “Хувийн асуудал” романы гол дүрийн баатар болох Шувуугийн эргэцүүлэх 10 эшлэлгийг хүргэж байна.
 

  1. Шувуу амьдралд нь дутагдаад байгаа, эсвэл сэтгэл дундуур байгаа зүйлийнхээ тухай эргэцүүлэн, нухацтай бодож үзэхээс зайлсхийдгээ анзаарчээ.
     
  2. Нэгэн хэвийн өдөр тутмын амьдралын цаана цухам юу нуугддагийг адал явдал, үхлийн аюул, шинэ овгийнхонтой таарч байж л мэднэ.
     
  3. Ямар ч аюулаас хамгаалалтгүй, эмзэг хэврэг хүний төгс бус бие махбод гэдэг ямар ичмээр зүйл байдаг юм бэ.
     
  4. Болдог сон бол өөрийнхөө биеэс зугтах сан...
     
  5. Асуудал зовох гэдэг үгийн утганд л байна.
     
  6. Үхэж буй өвчтөн үхсэнээсээ илүү ноомой байдаг гэдэг байх аа.
     
  7. Жүжиг, бүгд жүжигчид. Сүүнийхээ оронд чихэртэй ус залгилсаар аажмаар сульдан үхэх тавилантай тархиндаа ивэрхийтэй хүү нь л харин жүжиглээгүй.
     
  8. Шувуу ахиад л ов мэхний чихэрлэг мөртлөө гашуун үнэнийг амталлаа.
     
  9. Энэ оршихуйн нэргүйгээр үхэх, нэр аваад үхэх хоёр надад яалт ч үгүй өөр санагдана.


Энэ хорвоо зүй зохистой амьдрахыг хүчээр тулгадаг юм байна. Арга саам хайж нуугдлаа ч хэзээ нэгэн цагт түүнийгээ барьж, хорьж дийлэхээ больдог бололтой. Гэхдээ тэгэхгүйгээр амьдарч болно. Нэг арга саам, заль мэхнээс нөгөө рүү мэлхий шиг харайж явдаг хүмүүс ч бий.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top