Дархан-Шарын голын авто замын асфальт бетон хучилтыг эхлүүллээ

Улсын төсвийн хөрөнгө оруулалтаар он дамжин хэрэгжиж буй Дархан-Шарын гол чиглэлийн хатуу хучилттай автозамын эхлэл  17.2 км замын гүйцэтгэгчээр  “Төгс зам ХХК” ажиллаж байна.

Уг авто замын асфальт бетон хучилтыг  өнөөдрөөс  эхлүүлжээ.  Өнөөдрийн байдлаар талбайд нийт 38 техник, гурван  үйлдвэр, 78 хүн хүч ажиллаж, явц 59 хувийн гүйцэтгэлтэй үргэлжилж байна гэж Зам, тээврийн хөгжлийн яамнаас мэдээллээ.