Кемеровогийн түймэрт эхнэр хүүхдүүдээ алдсан залуу сонгуульд өрсөлдөнө
ОХУ-ын Кемерово мужийн “Зимняя вишня” худалдааны төвд өнгөрсөн гуравдугаар сарын 25-нд түймэр гарч, 64 хүн амиа алдсан билээ. Тэгвэл энэхүү аймшигт түймрээр эхнэр, гурван хүүхэд болон дүүгээ алдсан Игорь Востриков гэх залуу Кемерово мужийн иргэдийн төлөөлөгчдийн сонгуульд нэр дэвших гэж байгаа аж. Тэрбээр “Нэгдсэн Орос” намаас нэр дэвших хүмүүсийн дунд байгаа гэнэ. Нэр дэвшигчдийг ирэх зургадугаар сарын 3-нд сонгох юм байна. Харин мужийн иргэдийн төлөөлөгчдийн хурлын сонгууль есдүгээр сарын 9-нд болох аж.
Игорь Востриков гуравдугаар сарын 27-нд түймрээр амиа алдсан хүмүүсийн ар гэрийнхэн дээр Кемерово мужийн дэд захирагч Сергей Цивилев ирж уулзалт, хурал хийхэд тэргүүлэн оролцсон хүмүүсийн нэг юм. Тэрбээр мужийнхаа дэд захирагчид хандан "ард иргэддээ мал шиг хандаж байна" гэж хэлж байжээ. Захирагч түүнээс “Залуу та зовлонгоор сенсаац хийх гээ юу” гэж асуухад Игорь Востриков “Миний гэр бүл үгүй болсон. Дүү Алена, эхнэр Елена болон долоо, тав, хоёр настай гурван хүүхэд маань нас барлаа. Би энд пиар хийх гэж ирсэн гэж үү” гэж Игорь хариулахад захирагч түүнээс өвдөг сөгдөн уучлалт гуйж байсан аж.
Игорь Востриков одоо түймрийн шалтгааныг мөрдөн шалгах ажилд идэвхийлэн оролцож байгаа гэнэ. Тэрбээр “Агуу гүрэн” гэх нийгмийн хөдөлгөөн үүсгэжээ.
О.Саша
Холбоотой мэдээ
Сэтгэгдэл ( 9 )
Хөх тэнгэр. Бүх насаа үлдэгсэд бусдын төлөө зориул даа залуу минь. Бурхан чамайг ивээг.
Дэндүү харамсалтай юм аа.бүгд нэг дороо өнгөрчихдөг.саяхан 5-уулаа бужигнаж байсан айл гав ганцаараа гэнэт үлдэнэ гэж ёстой аймаар аа
Хайран хүмүүс харамсалтай юмаа
сайхан гэр бүл байж, хөөрхийдөө. залуу сэтгэлийн тэнхээтэй байна.
Haramsaltai
Aay ya ya setgeliin tenhee gej ene bhda
Өөрчлөлтөд оролцохоос өөр аргагүй болжээ
yamar ih setgeliin tenheetei zaluu bee
yamar ih setgeliin tenheetei zaluu bee