Монгол Улсын Ерөнхийлөгч Х.Баттулга өнөөдөр “Авлигаас татгалзах, илчлэх, авлигын гэрч, мэдээлэгчийг хамгаалах жил зарлах тухай” 38 дугаар зарлиг гаргалаа. Зарлигийн хувийг өнөөдөр Монгол Улсын Ерөнхийлөгчийн Тамгын газрын дарга З.Энхболд Авлигатай тэмцэх газрын дэргэдэх Олон нийтийн зөвлөлийн дарга Г.Баасанд гардуулан өгөв.
Монгол Улсын Ерөнхийлөгчийн Тамгын газрын дарга З.Энхболд зарлигийг гардуулж өгөхдөө “Авлига, эрх мэдлээ урвуулан ашиглах байдал нь үндэсний аюулгүй байдалд ноцтой хохирол учруулах хэмжээнд хүрч, энэ аюул бодитоор оршиж байгаа зэрэг үндэслэлээр Монгол Улсын Ерөнхийлөгч Х.Баттулга зарлиг гаргаж, 2018-2019 оныг “Авлигаас татгалзах, илчлэх, авлигын гэрч, мэдээлэгчийг хамгаалах жил” болгон зарлалаа” гээд Авлигатай тэмцэх газрын дэргэдэх Олон нийтийн зөвлөлийн төлөөллүүдэд авлигаас урьдчилан сэргийлэх, авлигыг үл тэвчих, авлигаас татгалзах үзлийг түгээн дэлгэрүүлэх ажилд нь амжилт хүслээ.
Авлигаас татгалзах, илчлэх, авлигын гэрч,мэдээлэгчийг хамгаалах жил зарлах тухай
Ардчилсан ёс, шударга ёс, эрх чөлөө, тэгш байдал, үндэсний эв нэгдлийг хангах, хууль дээдлэх нь төрийн үйл ажиллагааны зарчим мөн хэмээн тодорхойлсон Үндсэн хуулийн үзэл санаа алдагдаж, төрийн албан тушаалтан эрх мэдлээ урвуулан хувийн ашиг хонжоо олоход ашигладаг, ашиг сонирхлоор холбогдсон этгээддээ давуу байдал олгодог, иргэн, хуулийн этгээд нь хууль ёсны эрх, ашгаа хамгаалахаас илүүтэй хууль бус давуу байдлыг олж авах эрмэлзэлд хөтлөгдөх болсон зэрэг үндэсний аюулгүй байдалд ноцтой хохирол учруулах нөхцөл байдал бодитоор орших болсныг онцлон,
Авлига, хээл хахуультай тэмцэх үйл ажиллагаанд бүх нийтээр анхаарч нэгдэх, аливаа асуудлыг хуулийн дагуу шийдвэрлэж, шийдвэрлүүлэх, хууль бус хүсэлт, шаардлагыг үл зөвшөөрөх ухамсар, соёл, хандлагыг нийгмийн бүхий л түвшинд дэмжин төлөвшүүлэхэд чиглэсэн үндэсний бодлогыг үр дүнтэй хэрэгжүүлэх шаардлага нэн чухал байгааг зөвшөөрч,
Авлига, албан тушаалын гэмт хэрэг, зөрчлийг илрүүлж илчилсэн мэдээлэгчийг урамшуулах, хамгаалах, авлига, албан тушаалын гэмт хэрэг хянан шийдвэрлэх ажиллагаанд оролцож байгаа гэрчийг хамгаалах зэрэг асуудалд тусгайлан анхаарч, хууль, эрх зүйн орчинг улам боловсронгуй болгох ёстойг тэмдэглэн,
Монгол Улсын Үндсэн хуулийн Гучин дөрөвдүгээр зүйлийн 1 дэх хэсэг, Монгол Улсын Ерөнхийлөгчийн тухай хуулийн 9 дүгээр зүйлийн 1 дэх хэсгийг тус тус үндэслэн ЗАРЛИГ БОЛГОХ нь:
б) Эрх зүйн орчинг боловсронгуй болгох асуудлын хүрээнд авлига, албан тушаалын гэмт хэргийн гэрч, мэдээлэгчийг аюулгүй байдлын болон амьдрах нөхцөл, эдийн засгийн баталгаагаар хангах асуудлыг шийдвэрлэх;
в) Шүүх ажиллагааны аюулгүй байдлыг хангах, гэрч, хохирогчийг хамгаалах асуудлын хүрээнд төрийн байгууллагуудын чиг үүрэг, тогтолцоог улам боловсронгуй болгох.
Сэтгэгдэл ( 13 )
Bayartai medee bna. Baasan ta odoo jinhene nobshnuudiig bugdiig ni bariarai. Tand amjilt. Tamii reting suuliin ued mash undur bga shuu. Amjilt
Баттулгыг энэ нэг балай самган гутаагаад байгааг мэддэггүй л юм байхдаа. Энэ самгангүй бол бага ч гэсэн үнэмшилтэй харагдахаар л байлаа. Луйварчин самган зайлаа.
Эби хийгээгүй тулга ерөнхийлөгч хийж байна баяр хүргие амжилт
baasan avgaid ugdug ni ch yu bilee ERunh enhbold 2 tiim tsever humuus yum bh daa
энэ Ерөнхийлөгчийн хажуудаа авч.ажиллуулж байгаа хүмүүс нэг л биш дээ.
ЗӨВЛӨХ ЗИГИЙН ТҮМЭН ЗӨВ , ОДОО АВИЛГАЧИН ЭБИЙГИЙХЭЭ НЭРИЙГ ДАРУЙ ХУРДАН БИЧИЖ ӨГӨӨД ТҮРГЭН БАРИВЧЛУУЛ .
ЗӨВЛӨХ ЗИГИЙН ТҮМЭН ЗӨВ , ОДОО АВИЛГАЧИН ЭБИЙГИЙХЭЭ НЭРИЙГ ДАРУЙ ХУРДАН БИЧИЖ ӨГӨӨД ТҮРГЭН БАРИВЧЛУУЛ .
Төрийн бүх шатанд хулгайч нүүрэлжээ. Өөрөө өөрийнхөө авдарнаас хулгай хийж байгаа юм чинь эх орныг минь ч худалдахаас буцахгүй!
АТГ авилгалтай тэмцээд үр дүн нь харагдаад эхлэхээр Ерөнхийлөгч сэрсэн юм шиг цочмог зарлиг гаргжээ. Үнэхээр тэмцэх гэж байгаам бол төмөр замын асуудалаа давхар шалгуулаад цаашаагаа хөдөлсөн нь шударга байхаа.
Монголчууд хэлж байгаад биш,хийж байгаад итгэж сурах цаг болсон.
1-рт Зураг нь Таарсан хоёр таар шуудай байна. 2-рт Ерөнхийлөгч нь хийгээд байгаа юм уу, Ерөнхий Сайд нь хийгээд байна уу. Ерөнхийлөгч лав юу ч хийгээгүй г сайн мэдэж байна. Ерөнхийлөгч хийх байсан бол өөрөөсөө эхлэх байсан даа.
Баттулга өөрийгөө хичээ бас өөртэйгөө тэмц өөрийгөөр барьж өг
ELBEGDORJ L YAL AVSAN TOHIOLDOLD L ITGEYE DE