АНУ Украинд “Javelin” пуужингийн цогцолборыг нийлүүлнэ

  Пентагоноос Украинд “Javelin” пуужингийн цогцолборыг нийлүүлэх төлөвлөгөө батлагджээ. АНУ-ын Төрийн департамент танкийн эсрэг пуужингийн цогцолборыг худалдах гэрээг баталсан талаар Батлан хамгаалахын болон аюулгүй байдлын хамтын ажиллагааны агентлаг (DSCA)-ийн цахим хуудсанд мэдээлжээ. Төрийн департамент 47 сая ам.долларын өртөг бүхий боломжит худалдааг баталсан байна.

Энэхүү нийлүүлэлт нь АНУ-ын гадаад бодлого болон үндэсний аюулгүй байдалд хувь нэмэр оруулж, Украины батлан хамгаалах чадварыг дээшлүүлэхэд чиглэгдсэн байх аж. АНУ-ын Төрийн департамент өмнө нь “Javelin”-ийг нийлүүлэх нь Украинд үзүүлэх цэргийн тусламжийн зөвхөн нэг хэсэг нь гэж мэдээлсэн билээ.

О.Чанцаа

WWW.ZINDAA.MN