Ч.Хүрэлбаатар: Монгол Улс оффшорын бүст ороогүй. Татварын мэдээлэл нь ил тод биш байгааг л харуулсан

Европын Холбоо Монгол Улсыг "офшор" бүсээр зарлаж, хар жагсаалтад оруулснаа өчигдөр зарласан билээ. Үүнтэй холбогдуулан Монгол Улсын Сангийн сайд Ч.Хүрэлбаатар дараах тодруулгыг авлаа.

-Монгол Улсыг хар жагсаалтаас гарах боломж бий юу. Энэ чигээрээ явбал Европын холбооны санхүүгийн зах зээлд гарах боломжгүй болно гэсэн байна?

-Одоогоор санкц нь тодорхойгүй байна. 17 оронтой холбоотой ямар арга хэмжээ авахаа хэлээгүй байгаа. Цаад талын экспертүүдтэй өглөө холбогдож ярилцсан. Хийх ажлууд 2019 оноос эхлэх байх. 

-Үүнээс улбаалж хөрөнгө оруулагчид Монголоос хөрөнгө оруулалтуудаа татах эрсдэл байгаа юу?

-Дэлхий нийтээрээ татвараас зайлсхийж байгаа байдалтай тэмцэж байгаа үед Монгол Улс татвараас зайлсхийх боломж олговол олон  төрлийн хоригт орох боломжтой. Тиймээс орчин үеийн  жишигтэй нийцүүлэх ёстой. Заавал татвараас зугтаасан мөнгө Монголд орж ирэх албагүй. 

-Гол ямар ямар  хуулиуд өөрчлөгдөх бол?

-Банкны тухай хууль, Татварын ерөнхий хууль гэх мэт хуулиадад өөрчлөлт орох байх. 

-Монгол Улс офшорын бүс болсон гэж ойлгогдоод байна?

-Офшор ч биш л дээ. Татварын мэдээлэл нь ил тод биш байна л  гэсэн үг. Ил тод байхгүй байна гэдэг нь бусад орнуудын хувьд иргэд, ААН-үүдийг нь татвараас зугтаах боломжийг бий болгож өгч байна гэж харж байгаагийнх.

Ш.Адъяамаа