Ө.Энхтүвшин: Би 32-ын бүлгийг толгойлж Засгийн газарт орж байгаа юм биш

УИХ-ын чуулган үргэлжилж байна. Яг одоо УИХ-ын гишүүн Ө.Энхтүвшинг томилох асуудлаар асуулт хариулт өрнөж байна. 

Лу.Болд:

Өнөөдөр бид хуваарилалтаар зургаа, есын харьцаагаар эрх баригч намын эвслийн Засгийн газар байгуулагдаж байгаа. Тиймээс сайдууд хэр нийцтэй, оновчтой томилогдож байгаа вэ гэдэгт эргэлзээтэй. Та зургаан сайдаа буюу 31-ийн бүлгээ тэргүүлж, Шадар сайдаар томилогдож байх шиг байна. Гэхдээ МАН-ын дотоод дахь хагарал Засгийн газарт ч хоёр хуваагдсан чигээрээ ороод ирлээ. Өнөөдөр бид эвлэрчихсэн, цаашаа сайхан болно гэж худлаа илбэдээд ард түмэн юу ч хожихгүй. Та бүхэн ил шударга ярих хэрэгтэй. Энэ эвсэл чинь 60 тэрбумын хэрэг дээр яг ямар байр суурь баримтлах юм бэ. Хамгаалах юм уу, хаацайлах юм уу, эсвэл эрс тэмцэх юм уу. Ерөнхий сайд У.Хүрэлсүх 15 сайдаа аргаа бараад УИХ-ын гишүүдээр бүрдүүлж байна. Та одоо үнэн мөнөө хэл, өөрийн байр сууриа хэлэхийг шаардаж байна.

Ө.Энхтүвшин:

Би 32-ын бүлгийг толгойлж байгаа юм биш л дээ. МАН-ын 65 суудлыг төлөөлж л Засгийн газарт орж байгаа. Ойлголцож байгаа гэж битгий худлаа хэл гээд байх юм. 60 тэрбумын хэрэг дээр ямар байр суурь баримтлах вэ гэж байна. Энэ бол хуулийн байгууллагын асуудал. Би түүнийг энд яриад байх хэрэг байхгүй. Хууль, прокуророос шалгаад байгаа л гээд байгаа шүү дээ. 60 тэрбум гэдэг чинь үнэхээр амьдрал дээр байгаа юм уу, үгүй юм уу гэдгийг шалгаад удаж байна шүү дээ.

Лу.Болд:

Хууль хяналтын байгууллагаар явж байгааг бид бүгд мэдэж байгаа л даа. Эвлүүлэг байна гээд хаасныг ч мэдэж байгаа. Хэрэг нь нотлогдохгүй байна гээд л хаасан. УИХ-аар нээлттэй сонсгол хийх ёстой. УИХ-ын удирдлага нээлттэй сонсголын хугацааг тодорхой болгохыг хүсч байна. 

Б.Хурцболд