Аялал жуулчлалын олон улсын хурал Монголд болно

Зүүн хойд Азийн аялал жуулчлалын XI форум энэ сарын 19-21-нд манай улсад болно. Энэхүү форумд ОХУ, БНХАУ, БНСУ болон Японы 120 төлөөлөгч оролцох юм. Форумыг БОНХАЖЯ, Нийслэлийн аялал жуулчлалын газар, Монголын үндэсний худалдаа, аж үйлдэрийн танхим, Монголын аялал жуулчлалын холбоо хамтран зохион байгуулж байна. Өмнө нь манайх 2008 онд уг хурлыг зохион байгуулсан туршлагатай. Энэ жил хоёр дахь удаагаа “Олон улсын хурал, бизнес аялал, тэмдэглэлт үйл явдал, үзэсгэлэнгийн зах зээл” гэсэн сэдвийн дор зохион байгуулж байгаа аж. Энэ удаагийн форумыг хийх нийт зардал 40 сая төгрөгтэй тэнцэх гэнэ. Үүний 10 сая төгрөгийг нийслэлийн төсвөөс гаргажээ.