Өнөөдөр УИХ-ын гишүүн, Өргөдлийн байнгын хорооны дарга О.Баасанхүү Чингэлтэй дүүргийн Засаг дарга Д.Ганболдыг хүлээн авч уулзлаа. Өргөдлийн байнгын хорооноос байгуулагдсан ажлын хэсгийн үйл ажиллагааны хүрээнд нийслэлийн Чингэлтэй дүүргийн төрийн өмчийн 12 сургууль, 27 цэцэрлэгийн үйл ажиллагаатай танилцаж, уулзалт хийсэн юм. Энэ үеэр Чингэлтэй дүүргийн цэцэрлэг, сургуулиудын нөхцөл байдлыг сайжруулах талаар олон санал гарсан. Тухайлбал, тус дүүргийн сургуулиудын хичээлийн байрны хүрэлцээ муу, спорт заалгүй, сургууль орчмын бүсийн замд хурд сааруулагч тавиулах зэрэг асуудал байгааг сургууль, цэцэрлэгийн удирдлагууд хэлж байсан. Байнгын хорооны дарга О.Баасанхүү болон Чингэлтэй дүүргийн Засаг дарга Д.Ганболд нар эдгээр саналуудын талаар ярилцаж, хэрхэн шийдвэрлэх тухай санал солилцов хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
Сэтгэгдэл ( 1 )
15-35 насныханд зориулсан ӨНДӨР БОЛГОХ НУУЦ номыг ИНТЕРНОМ, МИР, МАЖЕСТИК, АЗ ХУР, АЛТАНТӨГРӨГ, ГОЛДЭН БҮҮК номын дэлгүүрээс худалдан аваарай. Үнэ: 22 000₮