Баяннуур суманд 52 адуу шатаж үхжээ

Булган аймгийн Баяннуур суманд зарим жилд  бэлчээрийн газрын гарцыг  нэмэгдүүлэх, шинэ ногоо ургамал ургахыг дэмжих зорилгоор хаврын хаварт зориудаар зарим газар гал тавьдаг байна. Ингэхдээ  нутгийн захиргааны байгууллагын зүгээс  зохион байгуулалттай  арга хэмжээг авч хэрэгжүүлэн  гал тавих бэлчээр газрын мал ахуйг  гаргаж, айл өрх бүрт дуулган, тухайн галыг хяналтандаа байлган  хагд өвсийг шатаагаад өөдөөс нь гал тавин унтраадаг уламжлалтай юм байна. Энэ жилийн хувьд ийм үйл явдал болоогүй бөгөөд гэнэтийн галын улмаас олон га газрын бэлчээрийг хамарчээ. 

Ийм нөхцөлд сумын Засаг даргын захирамжаар онцгой байдлын комисс ажиллаж, тухайн гал түймэр гарсан, гал түймрийн нөлөөнд өртөж болзошгүй бүс нутгаас айл өрх, хүн малыг нүүлгэн шилжүүлэх, улмаар Засаг дарга Онцгой байдлын үйл ажиллагааг удирдлагаар хангаж,  гал түймэр үүссэн үед хэрэглэх ёстой тоног төхөөрөмж, чанга яригчийг ажиллуулах үүрэг хүлээдэг ажээ. Гэтэл захирамж гаргах үүрэгтэй Засаг дарга нь Улаанбаатар хотод ажилчидтайгаа наргиж байснаас болж Баяннуур сумын  2-3 өрхийн 52 тооны адуу гал түймэрт өртөж үхсэн байна.  

Тодруулбал, өнгөрсөн сарын 27-ны ажлын өдөр буюу баасан  гарагт  гарсан гал түймрийн үеэр Булган аймгийн Баяннуур сумын удирдлагуууд болох АН-аас сонгогдсон Засаг  дарга Б.Алтаншагай, сумын ИТХ-ын дарга С.Насанжаргал мөн сарын 26-ны  пүрэв гарагт Захиргааны ажилтнуудаас галч,  нийгмийн даатгалын ажилтан, бүртгэлийн мэргэжилтэн нарын гурван ажилтнаа үлдээгээд бусад   22 ажилтнаа авч Улаанбаатар хотод ирэн Саппорогийн урд байрлах Эрин зочид будалд байрлуулан 1-2 хоног  наргисан гэнэ.