Түргэний тэрэг мөргөлджээ

Өнөөдөр 12 цаг 20 минутын үед ШУТИС, Өргөө-2, МУИС-ийн уулзвар замд  эмнэлгийн түргэний машин, 2088 УНЗ улсын дугаартай автомашинтай мөргөлдөж осол гаргажээ.

Олон улсын жишгээр өвчтөн түргэн тусламж дуудсанаас хойш эмч өвчтөн дээрээ ирж 8-10 минутын хугацаанд анхны тусламж үзүүлэх ёстой байдаг. Гэвч манайх шиг түгжрээ ихтэй, гэр хороололтой, хаягжуулалт муутай хотод 8-10 минут гэдэг дэндүү чамлалттай. Гэвч түргэн тусламжийнхан их хотынхоо иргэдийн эрүүл мэндийн төлөө энэ мэтийн зовлон бэрхшээлийг үл ажран өдөр шөнөгүй ачаалалтай ажиллаж байна. Сонирхуулахад, АНУ-д Цагдаагийн, түргэний болон гал командын машинд заавал зам тавьж өгөх үүрэгтэй бөгөөд эдгээр тусгай үүргийн машинуудад зам тавьж өгөөгүй болон зам дээр багтахгүй үед бусад автомашиныг мөргөж, шүргээд явах эрхтэй. Ингэсэн тохиолдолд даатгалын компани оролцдоггүй, зөвхөн тухайн автомашины жолооч маш өндөр торгууль төлдөг байна.