Говь-Алтай аймгийн Засаг дарга О.Амгаланбаатар “Эрүүл ус” орон нутгийн өмчит аж ахуйн тооцоот үйлдвэрийн газарт үйлдвэрлэсэн цэвэр усны савны шошго дээр өөрийн зургаа хэвлүүлсэн нь шуугиан тарьсан. Тэгвэл энэ нь хууль зөрчсөн үйлдэл гэж АТГ-аас О.Амгаланбаатарт хариуцлага тооцохоор болжээ.
Засаг дарга О.Амгаланбаатар нь орон нутгийн өмчийн хөрөнгөөр хийгдэж байгаа ажил, үйлчилгээгээр дамжуулан өөрийн албаны болон намын сурталчилгааг хийсэн нь Авлигын эсрэг хуулийн 7 дугаар зүйлийн 7.1.6, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 13 дугаар зүйлийн 13.1-т заасныг тус тус зөрчсөн байна. Тиймээс Авлигатай тэмцэх газар ашиг сонирхлын зөрчлөөс урьдчилан сэргийлэх тухай хууль тогтоомжид заасны дагуу О.Амгаланбаатарт сахилгын шийтгэл ногдуулж, хариуцлага тооцохыг эрх бүхий албан тушаалтанд мэдэгдэв.
Уг албан бичгийн хариуд Засгийн газрын Хэрэг эрхлэх газрын дэд дарга Ч.Сайнбилэгээс Говь-Алтай аймгийн Засаг дарга О.Амгаланбаатарт улс, орон нутгийн өмчийн хөрөнгөөр хийгдэж байгаа ажил, үйлчилгээгээр дамжуулан өөрийн сурталчилгаа хийхгүй байхыг сануулсан талаар АТГ-т мэдэгджээ.
Сэтгэгдэл ( 6 )
usan tolgoi
Онигоотой юм аа,,,,,,,,,,,,,,,,
Онигоотой юм аа,,,,,,,,,,,,,,,,
зэрлэг тэнэг хог вэээээ
Eruul us, erguu zasag
Тэгвэл таарна даварсан даам гарцан амьтан бэ ичдэггүй юм бх даа